شاكر صبري محمد
08-11-2008, 01:44 AM
&&&&&&&&&&&&&&&&&&&&&&&&&&&&&&&&&&
أدن أدن
أدن أدن يا ديك يا ديك أدن تاني الله يخليك
دانا دايما با رتاح لعنيك
بالتقي صوتك كله سماح بتصبحني كل صباح
وتزود عندي الأفراح وانا ودني بتحن إليك
بادعي واقول يا ربي اهديني دا ملاكة ربنا تحميني
لما لقيتها يا ديك صحيني وعشان كده دايما أناديك
ديكي يا ديك يا بو صوت مسموع دا مقامك عندنا مرفوع
بامسك لك ف الضلمة شموع اصحي الفجر الله يرضيك
أذن أذن يا ديك يا ديك
*******************
أحوال الإنسان
كل الناس بتعيش ف الكد ساعة الحر وساعة البرد
والأيام وقتها تتعد ولا لمطامعك تلتقي حد
الإنسان أحواله كتير حب النفس عدو الخير
ونهايته يكون التدمير وحياته مليانة برعد
الإنسان يهرب م اليأس يرمي الهم يحب النفس
يبني لروحه ونفسه وبس ويحارب علشان السعد
نفرح يوم نعمل أفراح ساعة الحزن نعيش ف جراح
ولا واحد ف الدنيا ارتاح بس حلاوة العيش ف الجد
الإنسان عايش محتار بيجيبه وياخده التيار
وحياته مليانة مرار ولا بيهده غير اللحد
لو يقعد جواه يتمد
**********************
واحد خاين
واحد خاين كاره بيته لا ارتحت له ولا يوم حبيته
يا ما نصحته كمان وصيته ويا ريته يسمعني يا ريته
لا يحن لأهله و لا ناسه ولا عمره بيجود إحساسه
وبيكتم دايما أنفاسه علي نفسه كرهته وعزيته
ولا بيحب الخير لقرايبه ولا واحد راح ينجح جانبه
وبيهدي لهم كل مصايبه عن نفسي وبس أنا صديته
أنا كارهه وكاره لقياه ولا عايز أتمشي معاه
ولا عمري أآمن لهواه وطريقه عمري ما خطيته
واحد خان ملا ن بالضر أسود قلبه ما عمره يسر
عبد لغله ف نفسه الشر دا ف يوم راح يتخرب بيته
الإخلاص عمره ما هيشوفه ولا عمرك هتشوف معروفه
ويا ربي تهدي لنا خسوفه خاين دربه من جبروته
******************
مساكين مساكين
مساكين مساكين اللي يهينوا المساكين
اللي يسيبوا القلب حزين مساكين مساكين
يا إنسان ياحكيم قرب منك أي يتيم
حس بجرحه اصنع فرحه
امشي ف صالحه امسح دمعه والأنين
مجانين مجانين اللي لنفسهم عايشين
اللي يسيبوا القلب حزين اللي يهينوا المساكين
دا اليتيم راح يفضل بينا ولا هيحس معانا بأنة
ويا ربي نشوفه في الجنة وهيفضل ف القلب حنين
دا المختار وصانا عليه نمسك بادينا ف اديه
نمسح دمعة جوا عنيه ونكون بجراحه حاسين
مسلمين مسلمين اللي يصونوا أمر الدين
واحنا دايما مسلمين مسلمين مسلمين
دا معانا ما تشوف محروم ولا بينا هيكون مظلوم
ومعانا الحب يدوم ولا دمعة هتكون ف العين
علشان ما احنا مسلمين مسلمين مسلمين
*******************
مصر أمنا
مصر أمنا دي بلدنا كلنا بالحب تشدنا تشدنا تشدنا
تجمعنا بالمني بالمني بالمني كلنا كلنا
بلد الحب الكبير بلد الخير الوفير
صنعت للناس ضمير ولا حدش قدنا قدنا قدنا
يا بلدنا يا نور ونار ليلك هيكون نهار
بلد الخير والعمار من كام مليون سنة سنة سنة
بلد النور والشعور فرسانك دول نسور
بكرة الأيام تدور والحب يضمنا يضمنا يضمنا
احنا اولادك رجال نصنع ليك المحال
ونحقق ف الآمال وهنحفظ عهدنا
يا بلدنا كلنا يا مصر يا أمنا يا أمنا يا أمنا
ف عيونك مرتاحين جوا عيونك حنين
ياللي صنعت السنين ودي سنة شعبنا شعبنا شعبنا
ودي مصر أمنا وبلدنا كلنا كلنا كلنا
*******************
عمرك
عمرك ما هتتهني ولا هتحس بجنة
ولا هتأدي السنة وهتنداس ف الفتنة
لو حواليك أشرار عايزينك تحتار
زارعين الأخطار هيجروك للنار
ولا عايزينك تخرج من بينهم وتولي
عايزينك متحير ويا اليأس تملي
أحسن شيء كان إنك للرحمن بتصلي
ليه طبع الإنسان بجريمته فرحان
عايز ليه أعوان أسوأ م الشيطان
في طريق البهتان
ليه عايزني معاهم أتدنس بخطاهم
يبقي هواي هواهم ولا احب الإحسان
بس انا ليا إله هدفي هو رضاه
حبي لأجل هداه يحمي م الطغيان
يهدي للإيمان
&&&&&&&&&&&&&&&&&&
أدن أدن
أدن أدن يا ديك يا ديك أدن تاني الله يخليك
دانا دايما با رتاح لعنيك
بالتقي صوتك كله سماح بتصبحني كل صباح
وتزود عندي الأفراح وانا ودني بتحن إليك
بادعي واقول يا ربي اهديني دا ملاكة ربنا تحميني
لما لقيتها يا ديك صحيني وعشان كده دايما أناديك
ديكي يا ديك يا بو صوت مسموع دا مقامك عندنا مرفوع
بامسك لك ف الضلمة شموع اصحي الفجر الله يرضيك
أذن أذن يا ديك يا ديك
*******************
أحوال الإنسان
كل الناس بتعيش ف الكد ساعة الحر وساعة البرد
والأيام وقتها تتعد ولا لمطامعك تلتقي حد
الإنسان أحواله كتير حب النفس عدو الخير
ونهايته يكون التدمير وحياته مليانة برعد
الإنسان يهرب م اليأس يرمي الهم يحب النفس
يبني لروحه ونفسه وبس ويحارب علشان السعد
نفرح يوم نعمل أفراح ساعة الحزن نعيش ف جراح
ولا واحد ف الدنيا ارتاح بس حلاوة العيش ف الجد
الإنسان عايش محتار بيجيبه وياخده التيار
وحياته مليانة مرار ولا بيهده غير اللحد
لو يقعد جواه يتمد
**********************
واحد خاين
واحد خاين كاره بيته لا ارتحت له ولا يوم حبيته
يا ما نصحته كمان وصيته ويا ريته يسمعني يا ريته
لا يحن لأهله و لا ناسه ولا عمره بيجود إحساسه
وبيكتم دايما أنفاسه علي نفسه كرهته وعزيته
ولا بيحب الخير لقرايبه ولا واحد راح ينجح جانبه
وبيهدي لهم كل مصايبه عن نفسي وبس أنا صديته
أنا كارهه وكاره لقياه ولا عايز أتمشي معاه
ولا عمري أآمن لهواه وطريقه عمري ما خطيته
واحد خان ملا ن بالضر أسود قلبه ما عمره يسر
عبد لغله ف نفسه الشر دا ف يوم راح يتخرب بيته
الإخلاص عمره ما هيشوفه ولا عمرك هتشوف معروفه
ويا ربي تهدي لنا خسوفه خاين دربه من جبروته
******************
مساكين مساكين
مساكين مساكين اللي يهينوا المساكين
اللي يسيبوا القلب حزين مساكين مساكين
يا إنسان ياحكيم قرب منك أي يتيم
حس بجرحه اصنع فرحه
امشي ف صالحه امسح دمعه والأنين
مجانين مجانين اللي لنفسهم عايشين
اللي يسيبوا القلب حزين اللي يهينوا المساكين
دا اليتيم راح يفضل بينا ولا هيحس معانا بأنة
ويا ربي نشوفه في الجنة وهيفضل ف القلب حنين
دا المختار وصانا عليه نمسك بادينا ف اديه
نمسح دمعة جوا عنيه ونكون بجراحه حاسين
مسلمين مسلمين اللي يصونوا أمر الدين
واحنا دايما مسلمين مسلمين مسلمين
دا معانا ما تشوف محروم ولا بينا هيكون مظلوم
ومعانا الحب يدوم ولا دمعة هتكون ف العين
علشان ما احنا مسلمين مسلمين مسلمين
*******************
مصر أمنا
مصر أمنا دي بلدنا كلنا بالحب تشدنا تشدنا تشدنا
تجمعنا بالمني بالمني بالمني كلنا كلنا
بلد الحب الكبير بلد الخير الوفير
صنعت للناس ضمير ولا حدش قدنا قدنا قدنا
يا بلدنا يا نور ونار ليلك هيكون نهار
بلد الخير والعمار من كام مليون سنة سنة سنة
بلد النور والشعور فرسانك دول نسور
بكرة الأيام تدور والحب يضمنا يضمنا يضمنا
احنا اولادك رجال نصنع ليك المحال
ونحقق ف الآمال وهنحفظ عهدنا
يا بلدنا كلنا يا مصر يا أمنا يا أمنا يا أمنا
ف عيونك مرتاحين جوا عيونك حنين
ياللي صنعت السنين ودي سنة شعبنا شعبنا شعبنا
ودي مصر أمنا وبلدنا كلنا كلنا كلنا
*******************
عمرك
عمرك ما هتتهني ولا هتحس بجنة
ولا هتأدي السنة وهتنداس ف الفتنة
لو حواليك أشرار عايزينك تحتار
زارعين الأخطار هيجروك للنار
ولا عايزينك تخرج من بينهم وتولي
عايزينك متحير ويا اليأس تملي
أحسن شيء كان إنك للرحمن بتصلي
ليه طبع الإنسان بجريمته فرحان
عايز ليه أعوان أسوأ م الشيطان
في طريق البهتان
ليه عايزني معاهم أتدنس بخطاهم
يبقي هواي هواهم ولا احب الإحسان
بس انا ليا إله هدفي هو رضاه
حبي لأجل هداه يحمي م الطغيان
يهدي للإيمان
&&&&&&&&&&&&&&&&&&