zayzon
10-05-2008, 08:14 AM
تجربه
مرحبا أخواني و أصدقائي و حبايبي يارب تكونو بألف خير و صحة ,, اليوم كلامي عن موضوع سبق أن كتبت عنه اسمو من تجاربي ,, و البعض عجبه الموضوع و البعض لاء و البعض قال طب ليش انت ما تكتب عن هيك شي من تجاربك يعني و أنا قلت بكل ردودي تقريبا انو معندي مانع شي عادي و طبيعي شو المشكله و البعض تحداني أن أكتب ليش مش عارف وكأن الموضوع موضوع تحدي ,,,, ماعلينا يلا كلو ماشي المهم حبيت أكتب عن تجربه ويمكن فيما بعد أكتب عن أكتر من تجربه عشان من أحب أن يستفيد ممكن ولو محد بدو يستفيد هالشي برجع له وهو حر برأيه,,,المهم ندخل بالموضوع
كل إنسان أكيد حب سواء بنت او شب و الحب شيئ رائع بس للأسف في ناس بتاخد الحب وسيلة للوصول لغرض معين وناس الحب الحقيقي الصادق عندها شيء مقدس ,,خلاصة القول أنا مريت بتجربة حب وهالتجربه مش لي وحدي التجربه ياريت الأباء خاصة ياخدو منها عبرة و يتعلمو أنو كل شيء يمكن يصير غصب إلا الزواج خاصة للبنت,,, لنهم بهيك طريقه أكيد بجنو على البنت وممكن تكون العاقبه أسوء,,, الحاصل حبيت بنت و هي حبتني بشكل جنوني و انا كمان و من اول مرة تكلمت معها فيها و شفتها أعجبت بعقلها أكثر شيء حسيت بوعي و فكر و رجاحة عقل وكأنها بنت بعمر فوق الثلاثين يمكن مش بعمر 17 سنه,, هادا الحكي مش هالوقت لالالا زماااان وكان وبكل صراحه وأمانة الفرق بالعمر بينا حوالي 10 سنوات
انا متأكد أن الكل أكيد بينتقدني و بيقول كل شيء عني و أني حبيت اوعرفت بنت أصغر مني بس اول شي الحب لا عيب ولا حرام ولا له عمر محدد والفرق بالعمر مش غلط كبير ولا هو ممنوع ,,, المهم مبحب أطول عليكم بعد التعارف و الكلام تأكدت أنها فعلا بنت أكبر من عمرها وهالشي زاد إعجابي فيها و تمسكي لنو بكل صدق و صراحه نادرا مانلاقي هيك نوعية و عقل واعي وفاهم ,, سألتها عن أشياء ردت بكل صراحه خاصه عن نوعية اللبس و الأصدقاء و الأشياء الأخرى الي نشوفها عن بعض البنات ,, بإختصار شديد أهم شيء قلت لها انتي بتعرفي الفرق بالعمر بيني و بينك قالت أكيد وموافقه وراضيه وعارفه و العمر والفرق مش مقياس في الحب الحقيقي الصادق ,, زاد إعجابي بها وعدتها وقلت السنه الجاي لما ارجع بطلبك من أهلك لأنو بذاك الوقت مكنت مستعد بكل صراحه و الشيء حصل بسرعه بينا,, وافقت و قالت وبالحرف الواحد بنطرك بستناك وهادا وعد مني قلت. لها أكيد قالت مليون أكيد,, تركتها وسافرت رجعت بعد سنه وبكل أسف سألت عنها خالتي قالت طلبوها و بتنخطب قريب , جنيت و صعقت معقوله,, كيف وليش المهم للأسف بعد كم يوم وبكل أسف المفاجئه الأكبر كنت جالس على البلكون =الشرفه يعني= لقيت باب البلكون عندهم مفتوح و فيه ناس كتير دققت النظر لقيتها قاعده ولابسه وجنبها العريس ,,سكت و كتمت بنفسي خاصه لما شفتها عم تتطلع ناحيتي وكأنها عندها كلام بدها تقوله ,, راحت الأيام و السنين بالصدفه رجعت لنفس البلد وبالصدفه شفتها هربت مني بعيونها وكلها كلام بعد كم يوم كمان بالصدفه شفت صدقيتها قالت لي فلانه بدها تحكي معك ضروري قلت لاء مش من حقي اني أكلمها وهي متزوجه قالت لاء هي إطلقت ,,صعقت مرة تانيه الفضول كان اكبر وافقت على اللقاء لأعرف ليش تزوجت وليش طلقت,,شفتها كلمتها بكل شيء صار قالت كلمتين مغصوبه والله ولو مش مصدق إسأل نفسك ليش انا وعدتك و قلت بنطر قلتلها مش شرط قالت ,,طب ايش يجبرني اني بعد هالمدة أدور عليك و أكلمك بعد كم يوم تأكدت فعلا أنها مغصوبه ,,,
أخواني معلش طولت بالمقدمه بس النهاية و المهم شوفو شو نتيجة انو أب و أهل يغصبو على بنتهم بالزواج من شخص ما تريده او تحبه,, البنت كانت فوق الوصف بلبسها و كلامها و كل شيء بحياتها لكن بعد هيك للأسف تغيرت صارت تتزوج و تطلق أكتر من مره ماعادت مهتمه بشيء له معنى غير الموضه الأزياء السهرات صارت يعني عايشه زي بنات الموضه و البنات يلي بس همهم هيك شيء و ماشيين على الديكور و المنظره الفارغه
شفتها بيوم من الأيام رجعت سألتها ليش هيك ليش عملتي بنفسك هيك كان تفكيرك رائع راقي واعي وفاهم وحكيمة برأيك ايش صار ايش تغير ,,,, ردت بكلمتين قالت أهلي قتلوني أول مرة و تاني مره كمان ما أحد إهتم فيني وإيش انا وإيش اريد ليش أهتم بغيري شوف البنات كيف عايشين ليش انا ما أكون مثلهم أعيش هلأ انا صرت حره أهلي معاد يغصبوني على شي تمردت عليهم ,,,
أخواني قد يقول قائل بس كلامها مش مقنع ولا اسبابها مقنعه ,,, انا أقول ممكن بس لما تكون بنت صغيره بهيك عمر و الأهل يتعاملو معها كانها شي جماد بلا رأي وبعدين تتفتح على دنيا تانيه وتشوف شي تاني أكيد ممكن يتغير كل شي فيها وحتى عقلها لما الأهل ميفكرو غير بنفسهم و بس وبالشي يلي هم مقتنعين فيه ومايسألو عن رأي أولادهم سواء بنت أو ولد ويتركوهم لمصير ممكن يكون مجهول و سيء ...؟
قد تكون البنت أكيد غلطانه بتصرفاتها الجديده بس مين السبب الأول بهيك شي..........؟؟؟
مرحبا أخواني و أصدقائي و حبايبي يارب تكونو بألف خير و صحة ,, اليوم كلامي عن موضوع سبق أن كتبت عنه اسمو من تجاربي ,, و البعض عجبه الموضوع و البعض لاء و البعض قال طب ليش انت ما تكتب عن هيك شي من تجاربك يعني و أنا قلت بكل ردودي تقريبا انو معندي مانع شي عادي و طبيعي شو المشكله و البعض تحداني أن أكتب ليش مش عارف وكأن الموضوع موضوع تحدي ,,,, ماعلينا يلا كلو ماشي المهم حبيت أكتب عن تجربه ويمكن فيما بعد أكتب عن أكتر من تجربه عشان من أحب أن يستفيد ممكن ولو محد بدو يستفيد هالشي برجع له وهو حر برأيه,,,المهم ندخل بالموضوع
كل إنسان أكيد حب سواء بنت او شب و الحب شيئ رائع بس للأسف في ناس بتاخد الحب وسيلة للوصول لغرض معين وناس الحب الحقيقي الصادق عندها شيء مقدس ,,خلاصة القول أنا مريت بتجربة حب وهالتجربه مش لي وحدي التجربه ياريت الأباء خاصة ياخدو منها عبرة و يتعلمو أنو كل شيء يمكن يصير غصب إلا الزواج خاصة للبنت,,, لنهم بهيك طريقه أكيد بجنو على البنت وممكن تكون العاقبه أسوء,,, الحاصل حبيت بنت و هي حبتني بشكل جنوني و انا كمان و من اول مرة تكلمت معها فيها و شفتها أعجبت بعقلها أكثر شيء حسيت بوعي و فكر و رجاحة عقل وكأنها بنت بعمر فوق الثلاثين يمكن مش بعمر 17 سنه,, هادا الحكي مش هالوقت لالالا زماااان وكان وبكل صراحه وأمانة الفرق بالعمر بينا حوالي 10 سنوات
انا متأكد أن الكل أكيد بينتقدني و بيقول كل شيء عني و أني حبيت اوعرفت بنت أصغر مني بس اول شي الحب لا عيب ولا حرام ولا له عمر محدد والفرق بالعمر مش غلط كبير ولا هو ممنوع ,,, المهم مبحب أطول عليكم بعد التعارف و الكلام تأكدت أنها فعلا بنت أكبر من عمرها وهالشي زاد إعجابي فيها و تمسكي لنو بكل صدق و صراحه نادرا مانلاقي هيك نوعية و عقل واعي وفاهم ,, سألتها عن أشياء ردت بكل صراحه خاصه عن نوعية اللبس و الأصدقاء و الأشياء الأخرى الي نشوفها عن بعض البنات ,, بإختصار شديد أهم شيء قلت لها انتي بتعرفي الفرق بالعمر بيني و بينك قالت أكيد وموافقه وراضيه وعارفه و العمر والفرق مش مقياس في الحب الحقيقي الصادق ,, زاد إعجابي بها وعدتها وقلت السنه الجاي لما ارجع بطلبك من أهلك لأنو بذاك الوقت مكنت مستعد بكل صراحه و الشيء حصل بسرعه بينا,, وافقت و قالت وبالحرف الواحد بنطرك بستناك وهادا وعد مني قلت. لها أكيد قالت مليون أكيد,, تركتها وسافرت رجعت بعد سنه وبكل أسف سألت عنها خالتي قالت طلبوها و بتنخطب قريب , جنيت و صعقت معقوله,, كيف وليش المهم للأسف بعد كم يوم وبكل أسف المفاجئه الأكبر كنت جالس على البلكون =الشرفه يعني= لقيت باب البلكون عندهم مفتوح و فيه ناس كتير دققت النظر لقيتها قاعده ولابسه وجنبها العريس ,,سكت و كتمت بنفسي خاصه لما شفتها عم تتطلع ناحيتي وكأنها عندها كلام بدها تقوله ,, راحت الأيام و السنين بالصدفه رجعت لنفس البلد وبالصدفه شفتها هربت مني بعيونها وكلها كلام بعد كم يوم كمان بالصدفه شفت صدقيتها قالت لي فلانه بدها تحكي معك ضروري قلت لاء مش من حقي اني أكلمها وهي متزوجه قالت لاء هي إطلقت ,,صعقت مرة تانيه الفضول كان اكبر وافقت على اللقاء لأعرف ليش تزوجت وليش طلقت,,شفتها كلمتها بكل شيء صار قالت كلمتين مغصوبه والله ولو مش مصدق إسأل نفسك ليش انا وعدتك و قلت بنطر قلتلها مش شرط قالت ,,طب ايش يجبرني اني بعد هالمدة أدور عليك و أكلمك بعد كم يوم تأكدت فعلا أنها مغصوبه ,,,
أخواني معلش طولت بالمقدمه بس النهاية و المهم شوفو شو نتيجة انو أب و أهل يغصبو على بنتهم بالزواج من شخص ما تريده او تحبه,, البنت كانت فوق الوصف بلبسها و كلامها و كل شيء بحياتها لكن بعد هيك للأسف تغيرت صارت تتزوج و تطلق أكتر من مره ماعادت مهتمه بشيء له معنى غير الموضه الأزياء السهرات صارت يعني عايشه زي بنات الموضه و البنات يلي بس همهم هيك شيء و ماشيين على الديكور و المنظره الفارغه
شفتها بيوم من الأيام رجعت سألتها ليش هيك ليش عملتي بنفسك هيك كان تفكيرك رائع راقي واعي وفاهم وحكيمة برأيك ايش صار ايش تغير ,,,, ردت بكلمتين قالت أهلي قتلوني أول مرة و تاني مره كمان ما أحد إهتم فيني وإيش انا وإيش اريد ليش أهتم بغيري شوف البنات كيف عايشين ليش انا ما أكون مثلهم أعيش هلأ انا صرت حره أهلي معاد يغصبوني على شي تمردت عليهم ,,,
أخواني قد يقول قائل بس كلامها مش مقنع ولا اسبابها مقنعه ,,, انا أقول ممكن بس لما تكون بنت صغيره بهيك عمر و الأهل يتعاملو معها كانها شي جماد بلا رأي وبعدين تتفتح على دنيا تانيه وتشوف شي تاني أكيد ممكن يتغير كل شي فيها وحتى عقلها لما الأهل ميفكرو غير بنفسهم و بس وبالشي يلي هم مقتنعين فيه ومايسألو عن رأي أولادهم سواء بنت أو ولد ويتركوهم لمصير ممكن يكون مجهول و سيء ...؟
قد تكون البنت أكيد غلطانه بتصرفاتها الجديده بس مين السبب الأول بهيك شي..........؟؟؟